ქალაქ თბილისის მერიის მულტიფუნქციური ბიბლიოთეკების გაერთიანებამ იუსტიციის სამინისტროს სსიპ „დანაშაულის პრევენციის ცენტრსა“ და სსიპ „არასაპატიმრო სასჯელთა აღსრულებისა და პრობაციის ეროვნულ სააგენტოსთან“ ურთიერთთანამშრომლობის მემორანდუმი გააფორმა. მემორანდუმის მიზანია, აღდგენითი მართლმსაჯულების მიმართულებით, ბენეფიციარების საზოგადოებასთან ინტეგრაცია, რესოციალიზაცია, მათი განათლებისა და განვითარების ხელშეწყობა.

მემორანდუმს ხელი მოაწერეს თბილისის მულტიფუნქციური ბიბლიოთეკების გაერთიანების დირექტორმა ნინია მაჭარაშვილმა, დანაშაულის პრევენციის ცენტრის დირექტორმა ლადო ჯავახიშვილმა და არასაპატიმრო სასჯელთა აღსრულებისა და პრობაციის ეროვნული სააგენტოს უფროსის მოადგილე კობა ხუბუნიამ.

თბილისის მულტიფუნქციური ბიბლიოთეკების გაერთიანება, სოციალური პასუხისმგებლობის ფარგლებში, განრიდების პროგრამაში ჩართულ არასრულწლოვან ბენეფიციარებს შესთავაზებს თბილისის მედიათეკებისა და ბიბლიოთეკების სერვისებით სარგებლობას, მიმდინარე ღონისძიებებზე დასწრებასა და საგანმანათლებლო და სახელოვნებო პროგრამებში მონაწილეობას.

მემორანდუმის ხელმომწერები აქტიურად ითანამშრომლებენ დანაშაულის პრევენციაზე მიმართული აქტივობების დაგეგმვაში, რაც არასრულწლოვნებში დანაშაულის რისკის შემცირებასა და განმეორებითი დანაშაულისგან საზოგადოების დაცვას განაპირობებს.

(NS)

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს