პანკისის ხეობაში სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი რუსთაველის გამზირზე, პარლამენტის მიმდებარე ტერიტორიაზე კარვის გაშლას ისევ ცდილობს, თუმცა ამის საშუალებას მას სამართალდამცველები არ აძლევენ. 

მაჩალიკაშვილის კარავი, რომელიც პარლამენტის წინ დაახლოებით 10 თვის განმავლობაში იყო განთავსებული, 20 ივნისს ანტისაოკუპაციო აქციის დაწყების გამო აიღეს. დღეს მალხაზ მაჩალიკაშვილმა კარვის გაშლა ისევ დააპირა, თუმცა ადგილზე მისულს პოლიციამ მას განუცხადა, რომ მიმდებარე ტერიტორიაზე თბილისის მერია გზის რეაბილიტაციას იწყებს, კერძოდ კი, ფილების აყრა. 

თავად მაჩალიკაშვილი აცხადებს, რომ კარავს დაშლის, როგორ კი, სარეაბილიტაციო სამუშაოები დაიწყება, თუმცა მას კარვის გაშლის საშუალებას მაინც არ აძლევენ. აღსანიშნავია, რომ ჯერჯერობით უცნობია როდის დაიწყება რეაბილიტაცია. პოლიცია ვერ აკონკრეტებს შეეხება თუ არა ტერიტორიის დაცლა ანტისაოკუპაციო აქციის მონაწილეებს. 

მაჩალიკაშვილის განცხადებით, ის იყენებს თავის უფლებას და კარვის გაშლას მაინც აპირებს. ადგილზე სამართალდამცველები არიან მობილიზებული. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს