გლდანის რაიონში, სამ მისამართზე - თავისუფლების N11-13, მესამე მიკრორაიონის N79 და მეოთხე მიკრორაიონის N105 საცხოვრებელ კორპუსებთან სპორტული მოედნების რეაბილიტაცია დასრულდა.

პროექტის ფარგლებში, დაიგო ბალახის ხელოვნური საფარი, შეიცვალა ლითონის მავთულბადეები და დამონტაჟდა სპორტული მოედნისთვის საჭირო ყველა სხვა ინვენტარი. სამივე სპორტული მოედანი კომბინირებულია და თანამედროვე სტანდარტებს აკმაყოფილებს.

სამუშაოებისთვის, რომელიც ტენდერში გამარჯვებულმა შპს „დოკასპორტმა“ განახორციელა, 212 562 ლარი გამოიყო.

გლდანის რაიონში მიმდინარე წელს სამი სრულიად ახალი სპორტული მოედანი მოეწყო, შვიდ მოედანს კი რეაბილიტაცია ჩაუტარდა. მოედნები აღჭურვილია ფეხბურთისა და კალათბურთისთვის საჭირო თანამედროვე ინვენტარით.

გლდანის რაიონის გამგეობა ჯანსაღი ცხოვრების ხელშეწყობის მიზნით, სპორტული სივრცეებისა და ფიტნეს ზონების მოწყობას მომავალშიც განაგრძობს.

(NS) 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს