„ევროპული საქართველოს“ წევრი დავით ბაქრაძე არ გამორიცხავს, 20-21 ივნისის აქციის დაშლის გამოძიების შემდეგ ხელისუფლებამ „ჯოხის გადატეხვა“ უბრალო სპეცრაზმელებზე დააპიროს.

ბაქრაძის მოსაზრებით, გამოძიებას მხოლოდ მაშინ ექნება აზრი, თუ მთავარი დაინტერესებული პირი, შს მინისტრი გიორგი გახარია თანამდებობიდან გადადგება.

„ვერ ვიქნებით დაზღვეული, რომ გახარიასთვის პასუხისმგებლობის ასაცილებლად არ მოხდება სრულიად უსინდისოდ, რიგით პოლიციელებსა და სპეცრაზმელებზე ჯოხის გადატეხვა და მათი გამოცხადება დამნაშავეებად. ამის საწინააღმდეგოდ არსებობს ერთადერთი საშუალება, ეს არის ახალგაზრდების მოთხოვნა, აიღოს პოლიტიკური პასუხისმგებლობა გიორგი გახარიამ, გადადგეს თანამდებობიდან და ამის შემდეგ, აბსოლუტურად ნეიტრალურ და დაუინტერესებელ პირობებში, წასული გახარიას პირობებში, მოხდეს ამ საკითხის გამოძიება და დაისაჯოს ყველა ვინც დამნაშავეა. ოღონდ, გამოძიება და დასჯა ვერასდროს იქნება სრულფასოვანი, თუ პასუხი არ აგო პირველმა პირმა ვისაც ექვემდებარება სამინისტრო, ვინც ვალდებულია სპეცრაზმში ისეთი დისციპლინა ჰქონდეს, რომ თუნდაც მისი ბრძანების გარეშე ვერავინ ვერ გაუხსნას ცეცხლი ადამიანებს“, - განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს