სასამართლო დამოუკიდებელია და ის დამოუკიდებლად იღებს გადაწყვეტილებებს - ასე შეაფასა საქართველოს პარლამენტის იურიდიულ საკითხთა კომიტეტის თავმჯდომარის მოადგილემ დავით მათიკაშვილმა „ნაციონალური მოძრაობის“ წევრის, ნიკა მელიას გირაოს სანაცვლოდ გათავისუფლების გადაწყვეტილება.

მათიკაშვილი ხაზს უსვამს, რომ ეს გადაწყვეტილება საბოლოო არ არის.

„სასამართლო არის დამოუკიდებელი, ის დამოუკიდებლად იღებს გადაწვეტილებას, როგორც საზოგადოებამ ნახა მოხდა აღკვეთის ღონისძიების სახით გირაოს და სპეციალური ღონისძიების შეფარდება,რაც გულისხმობს დაახლოებით იგივეს, რაც არის შინაპატიმრობა. ეს გულისხმობს შემდეგს, რომ პროკურატურის მიზანი, სისხლის სამართლის საქმის გამოძიების დროს ნიკანორ მელიამ არ მოახდინოს ზემოქმედება მოწმეებზე, არ ჩაიდინოს ისეთი ქმედება, რომელიც ხელს შეუშლის საქმის გამოძიებას, მიღწეულია. პარალელურად, სასამართლომ მიიჩნია, რომ გამოძიების ეს ლეგიტიმური მიზანი შესაძლებელი იყო მიღწეულიყო ისე, რომ არ გამოყენებულიყო პატიმრობა. აქვე მინდა ხაზი გავუსვა , რომ მცდარი ინფორმაცია ვრცელდება და აქ არანაირ საბოლოო გადაწყვეტილებაზე, ან განაჩენზე საუბარი არ არის“, - განაცხადა დავით მათიკაშვილმა.

ავტორი: ექსპრესნიუსი,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post