ზურაბიშვილი: სექსუალური ორიენტაციის მიუხედავად ყველას პრეზიდენტი ვარ - დაპირისპირების პროვოცირებას არ ვეთანხმები

2019-06-15 14:32:15, 1547 ნახვა

საზოგადოება

საქართველოს პრეზიდენტი სალოე ზურაბიშვილი, გუშინ კანცელარიასთან მიმდინარე ორ აქციას გამოეხმაურა.

როგორც პრეზიდენტმა აღნიშნა, ის დაპირისპირების პროვოცირებას არცერთი მხრიდან არ ეთანხმება.

"მე ვარ ყველას პრეზიდენტი, რაც გულისხმობს იმას, რომ ვარ ყველა ადმიანის პრეზიდენტი მიუხედავათ მათი სექსუალური და რელიგიური ორიენტაციისა. ჩემთვის ამას არ აქვს მნიშვნელობა და ვთვლი რომ არც ერთი ადამიანი არ უნდა იყოს დისკრიმინირებული. თუმცა არ ვეთანხმები დაპირისპირების არც ერთი მხარის მხრიდან. ამ ქვეყანას ეყოფა ის დაპირისპირებები რაც აქვს სხვადასხვა მიზეზებიდან გამომდინარე. არ გვჭირდება გარედან მოტანილი დაკოპირებული დაპირისპირება", - განაცხადა სალომე ზურაბიშვილი.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან