2015-07-02 10:54:00, 579 ნახვა
საზოგადოება
მიმინოშვილის ინფორმაციით, აბიტურიენტთა დაახლოებით 3% გამოცდაზე არ მივიდა
შეფასებისა და გამოცდების ეროვნული ცენტრის დირექტორის მაია მიმინოშვილის ინფორმაციით, ერთიანი ეროვნული გამოცდების პირველ ნაკადში რეგისტრირებული 9583 აბიტურიენტიდან 305 გამოცდაზე არ გამოცხადდა.
ამის შესახებ მიმინოშვილმა ჟურნალისტებს განუცხადა.
მისივე თქმით, გამოცდაზე სამმა აბიტურიენტმა დაიგვიანა, ერთი კი ნასვამ მდგომარეობაში მოვიდა და გამოცდიდან მოიხსნა.
ამასთან, მიმინოშვილის განცხადებით ერთიან ეროვნულ გამოცდაზე დაგვიანების ფაქტი დაფიქსირდა თბილისის 175-ე საჯარო სკოლაში და მაღლივ კორპუსში გახსნილ საგამოცდო ცენტრში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
