„თანასწორობის მოძრაობა“: საფრთხის თავიდან აცილების მიზნით, არც ერთ აქციაში მონაწილეობას არ ვაპირებთ

2019-05-17 15:07:00, 1098 ნახვა

საზოგადოება

„თანასწორობის მოძრაობა“ აცხადებს, რომ დღეს, 17 მაისს, ჰომოფობიასა და ტრანსფობიასთან ბრძოლის საერთაშორისო დღეს მომეტებული საფრთხის თავიდან აცილების მიზნით, არც ერთი მანიფესტაციის ან საჯარო შეკრების ორგანიზება არ გეგმავს.

ასევე, ორგანიზაციაში აცხადებენ, რომ არც ერთ სხვა აქციაში მონაწილეობის მიღებას არ აპირებენ.

"უსაფრთხოების მიზნებიდან გამომდინარე, “თანასწორობის მოძრაობა” მოუწოდებს ბენეფიციარებს, რომ თავი შეიკაონ დღეს იმ სერვისების მიღებისგან, რომელსაც აწვდის ორგანიზაცია ლგბტქი+ თემის წევრებს.

ორგანიზაციის სოციალური მუშაკები და იურისტები 24 საათიან რეჟიმში ხაზზე არიან, რათა დაეხმარონ თემის წევრებს იმ შემთხვევაში, თუ ისინი გახდებიან დამამცირებელი/დისკრიმინაციული მოპყრობის მსხვერპლი ან მათ მიმართ განხორციელდება ფიზიკური ძალადობა ან ზეწოლა. დაგვიკავშირდით ნომერზე: +995 595855320", - ნათქვამია "თანასწორობის მოძრაობის" განცხადებაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან