"საერთაშორისო მშენებელთა ასოციაციამ" და საქართველოს ბიზნესპალატამ ერთობლივი პროექტი შეიმუშავეს, რომელიც ვერეს ხეობაში ახალი ინფრტასტრუქტურის მოწყობას გულისხმობს. 

როგორც ბიზნესპალატის ხელმძღვანელი ემზარ ჯგერენაია აცხადებს, პროექტის განხორციელება დამბის აშენების შემთხვევაში იქნება შესაძლებელი.

"დამბა იქნება იმის გარანტი, რომ მსგავსი არასდროს განმეორდება თბილისში. პროექტი "მანჰეტენი" გულისხმობს სარეკრეაციო ზონის აღდგენას, პარკის გაშენებას თავისი სპორტული მოედნებით, სასტუმროებით, ბიზნესცენტრებით და კორპუსების განთავსებას", - განაცხადა ემზარ ჯგერენაიამ. 

რაც შეეხება პროექტის მთავრობისთვის წარდგენის საკითხს, ჯგერენაიამ აღნიშნა, რომ რამდენიმე მინისტრსთან აღნიშნული საკითხზე საუბარი უკვე იყო.

„ რამდენიმე მინისტრს უკვე ველაპარაკეთ. უახლოეს დღეებში მათგან ველოდებით პასუხს. მერიასთან იდეის დონეზე უკვე გვქონდა პრეზენტაცია", - განაცხადა ჯგერენაიამ. 

მისივე თქმით, პროექტის განხორციელებას 1 400 000 000 დასჭირდება და ამ თანხის მოძიებას დონორებისა და ინვესტორებისგან შეეცდებიან. 

"მოლაპარაკებები გაიმართა ბიზნესმენებთან. ისინი გამოთქვამენ სერიოზულ მზადყოფნას, რომ ჩაიდოს დიდი ფული ამ პროექტში. ვერეს ხეობის ადგილი არ არის უბედურება, ეს არის მომავლის ადგილი", - განაცხადა ემზარ ჯგერენაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა

სააკაშვილი: საქართველოდან ბენზინი არა აფხაზეთში, არამედ სამხრეთ რუსეთში მიეწოდება