„ჩვენი ურთიერთდამოკიდებულება უფრო პოზიტიურია იმასთან შედარებით, ვიდრე დაიწყო,  იმიტომ რომ მანამდე ერთმანეთს არ ვიცნობდით“,-ამის შესახებ პარალამენტის საფინანსო-საბიუჯეტო  კომიტეტის თავმჯდომარემ თამაზ მეჭიაურმა ჟურნალისტებს  საერთაშორისო სავალუტო ფონდისა და მსოფლიო ბანკის წარმომადგენლებთან დახურული სხდომის დასრულების შემდეგ განუცხადა. 
მეჭიაურს არ დაუკონკრეტებია  შეხვედრაზე თუ რა საკითხებზე იყო საუბარი. 
თუმცა, აღნიშნა, რომ ერთ-ერთი საკითხი ეროვნული ბანკისგან  საბანკო ზედამხედველობის ფუნქციის გამოყოფა იყო. 
„ეს  იყო გაცნობითი ხასიათის შეხვედრა. ინიციატორი არის ალბათ ყველა ერთად. მე რაც თავმჯდომარე ვარ არ შევხვედრივარ,  მათ არ ვიცნობდი და ახლა მოხდა  გაცნობა. დეტალების დასახელებისგან თავს შევიკავებ, რადგან შეხვედრა იყო კონფიდენციალური. შემიძლია გითხათ, რომ ჩვენი ურთიერთდამოკიდებულება უფრო პოზიტიურია  ვიდრე დაიწყო, რადგან მანამდე არ ვიცნობდით“,-განაცხადა თამაზ მეჭიაურმა. 
ამასთან, მისივე თქმით შეხვედრაზე  რეკომენდაციები მსოფლიო ბანკისა და საერთაშორისო სავალუტო ფონდის წარმომადგენლებისგან არ ყოფილა.
 თუმცა, როგორც მეჭიაურმა აღნიშნა,  მათ თავისი აზრი გამოთქვეს. 
საფინანსო-საბიუჯეტო კომიტეტის თავმჯდომარე  თამაზ მეჭიაური და მისი მოადგილე ნოდარ ებანოიძე დახურ ფორმატში საქართველოში საერთაშორისო სავალუტო ფონდის მუდმივ წარმომადგენლს აზიმ სადიკოვს და მსოფლიო ბანკის რეგიონალურ დირექტორს სამხრეთ კავკასიაში ჰენრი კერალის შეხვდნენ. 
საერთაშორისო  ფინანსური ინსიტუტების  წარმომადგენლებს  შეხვედრის დასრულების შემდეგ კომენტარი არ გაუკეთებიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო