თეა წულუკიანი: სამცხე ჯავახეთში რიგით მეხუთე რეგიონული არქივი შენდება

2019-03-20 16:27:54, 2007 ნახვა

რეგიონი

საქართველოს იუსტიციის მინისტრის, თეა წულუკიანის ინფორმაციით, სამცხე ჯავახეთში რიგით მეხუთე რეგიონული არქივი შენდება.

ამის შესახებ მინისტრმა პარლამენტში, ანგარიშის წარდგენისას განაცხადა.

„წელს და გაისად, რა თქმა უნდა, ვაგრძელებთ მშენებლობებს, იმიტომ რომ ეს მნიშვნელოვანია სერვისების ხელმისაწვდომობისთვის. მაის-ივნისში გავხსნით ხონში იუსტიციის სახლს, იუსტიციის სახლის მშენებლობა მიმდინარეობს ბოლნისში, ასევე მიმდინარეობს სამხე-ჯავახეთში ეროვნული არქივის რეგიონული ფილიალის მშენებლობა. ეს იქნება რიგით მეხუთე რეგიონული არქივი, რომელიც ბოლო ექვსი წლის მანძილზე აშენდა", - განაცხადა თეა წულუკიანმა.

ცნობისთვის, ბოლო ექვსი წლის განმავლობაში ახალ შენობებში განთავსდა: ქვემო ქართლის რეგიონული არქივი; კახეთის რეგიონული არქივი; სამეგრელოს რეგიონული არქივი; ქუთაისის ცენტრალური არქივი.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,