საქართველოში აივ-შიდსით დაავადებული ადამიანების სტიგმატიზირებულები და დისკრიმინირებულები არიან,  - ამის შესახებ აშშ-ს სახელმწიფო დეპარტამენტის მსოფლიოში ადამიანის უფლებების მდგომარეობის შესახებ ანგარიშშია ნათქვამი.
"საქართველოში აივ-შიდსით დაავადებული ადამიანები ექცევიან სტიგმისა და დისკრიმინაციის ქვეშ. სწორედ ეს პრობლემაა მთავარი წინააღმდეგობა აივ-შიდსის პროგრამის ეფექტურად განხორციელების გზაზე. სოციალურმა სტიგმამ აიძულა ადამიანები არ ჩაეტარებიათ ტესტირება და მკურნალობა. მათ რამდენიმე სამედიცინო მომსახურებაზეც ეუბნებიან უარს, განსაკუთრებით სტომატოლოგიურ მომსახურებაზე. ადამიანები ხშირად მალავენ მათ აივ-შიდსის სტატუსს, რადგან ეშინიათ სამსახურის დაკარგვის", - ნათქვამია სახელმწიფო დეპარტამენტის ანგარიშში.
ამასთან, შეგახსენებთ, რომ 2019 წლის 4 მარტის მონაცემებით, აივ ინფექცია/შიდსის 87 ახალი შემთხვევა დაფიქსირდა. შარშან შესაბამის პერიოდში 117 ახალი შემთხვევა გამოვლინდა.
ინფექციური პათოლოგიის, შიდსის და კლინიკური იმუნოლოგიის ცენტრის ინფორმაციით,  საქართველოში რეგისტრირებულია 7521  აივ-ინფიცირებული პირი, 5630 – მამაკაცი, 1891 – ქალი. პაციენტთა უმრავლესობა 29-დან 39 წლამდეა. შიდსი  4007 პაციენტს განუვითარდა, 1540 გარდაიცვალა.

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს