ყველაფერი გაკეთდება, რომ კონკრეტული შედეგები დაიდოს უსწრაფესად, -  ამის შესახებ შინაგან საქმეთა მინისტრის მოადგილე კახაბერ საბანაძემ განაცხადა, რომელიც დიღომში, აფეთქების ადგილზე იმყოფება.

როგორც მან აღნიშნა, გამოძიება სხვადასხვა ვერსიაზე მუშაობს.

„ეს არის ძალიან დიდი ტრაგედია თითოეული ჩვენთაგანისთვის. რაც შეეხება მომხდარ ფაქტს, მიმდინარეობს გამოძიება და გაკეთდება ყველაფერი იმისთვის, რომ კონკრეტული შედეგები დაიდოს უსწრაფესად. ამ ეტაპისთვის არსებული ინფორმაციით სამი ადამიანია გარდაცვლილი. დაშავებულების ზუსტ რაოდენობას ამ ეტაპზე ვერ გეტყვით“, - განაცხადა საბანაძემ.

შეგახსენებთ, დიდ დიღომში აფეთქებას დადასტურებული ინფორმაციით 3 ადამიანი ემსხვერპლა, 10-მდე კი დაშავდა. დაშავებულებს შორის 4 ბავშვია. აფეთქება სავარაუდოდ, გაზის გაჟონვამ გამოიწვია. აფეთქების სიმძლავრემ კორპუსის და მიმდებარე საცხოვრებლების ფანჯრები ჩაამსხვრია. მოსახლეობა ევაკუირებულია.

ტერიტორიაზე სახანძრო სამაშველო და სასწრაფო დახმარების ეკიპაჟები მუშაობენ. მობილიზებულია საპატრულო პოლიცია.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს