ხორავას ქუჩაზე მოკლული ერთ-ერთი მოზარდის მამა, ზაზა სარალიძე პოლიციას პარლამენტის შენობასთან მიმდინარე აქციის მონაწილეებზე ზეწოლაში ადანაშაულებს.

როგორც სარალიძემ აღნიშნა, პოლიციელმა მას, მალხაზ მაჩალიკშვილს და აქციის რამდენიმე მონაწილეს განუცხადა, რომ 11 სექტემბერს, კარვების გაშლის მცდელობასა და დაპირისპირებაზე ხულიგნობის მუხლით გამოძიება მიმდინარეობს და შესაძლოა, დააკავონ. 

სარალიძე დამატებითი დეტალების გასარკვევად ვაკე-საბურთალოს პოლიციაში ორ მხარდამჭერთან ერთად მივიდა.

„გამოცხადდა ვიღაც პოლიციელი, აქციის მონაწილეთაგან ჩამოთვალა რამდენიმე პირი, მათ შორის აქციის ორი მონაწილე, მე, ჩემი ძმა, მალხაზ მაჩალიკაშვილი, და განაცხადა რომ ხულიგნობის ფაქტზე უნდა დავეკავებინეთ. რის საფუძველზე უნდა დავეკავებინეთ, 11 სექტემბრის შემდეგ დაწყებულია გამოძიება და 11 სექტემბრიდან იმდენი ფაქტი, დარღვევა მოხდა, იმდენი ძალადობის ფაქტი იყო ჩვენ მიმართ პოლიციის მხრიდან კარვების არგაშლასთან დაკავშირებით, იმდენი შეხლა-შემოხლა იყო, რომელ ფაქტთან დაკავშირებით არის ძიება დაწყებული, ამის გასარკვევად ვარ მოსული. პლუს ამას, პოლიციელმა რატომ აიღო თავის თავზე ინიციატივა და დაემუქრა აქციის მონაწილეებს, რომ ხულიგნობის ფაქტზე უნდა დაგიჭირონ. შემდეგ როგორც გავარკვიეთ, არის ვიღაც გიორგი გადელია, არ ვიცი, რა თანამდებობას იკავებს პოლიციაში. ხშირად ყოფილა იქ. ხშირად გამოუჩენია ინიციატივა ჩვენს დარბევაში“, - განაცხადა ზაზა სარალიძემ.

ავტორი: ,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post