ია მეტრეველი: დღეიდან საქართველოში სამართლიანობის აღდგენა იწყება

2018-12-18 15:23:50, 1415 ნახვა

კომენტარი

ბუტა რობაქიძის დედა ია მეტრეველი სასამართლოს გადაწყვეტილებას დადებითად აფასებს და აცხადებს, რომ დრეიდან ქვეყანაში სამართლიანობის აღდგენა იწყება.

როგორც მეტრეველმა ჟურნალისტებს განაჩენის გამოცხადების შემდეგ განუცხადა, პროკურატურამ კარგად იმუშავა.

"ძალიან სამართლიანი გადაწყვეტილება მიიღო მოსამართლემ. მან მიუსაჯა ყველას უმაღლესი სასჯელი რაც ეკუთნნოდათ, თუმცა ამნისტიის მუხლები შეეხოთ და შეუმცირდათ სასჯელები, რის საფუძველზეც თითოეულს დაახლოებით 5 წელი გამოუვიდა. ცოტაა მათთვის ეს სასჯელი, მაგრამ ამაზეც კმაყოფილი ვარ. უნდა გამოსცადონ ის რაც ეკუთვნით, რადგან მთელი ეს წლები მშვენივრად დასეირნობდნენ ჰაერზე და ჩემი შვილი მიწაშია. ძალიან კარგად მიიღეს ეს სასჯელი. მიმაჩნია, რომ დღეიდან საქართველოში სამართლიანობის აღდგენა იწყება", - განაცხადა ია მეტრეველმა.

ცნობისთვის, ბუტა რობაქიძის საქმეზე სასამართლომ ყველა ბრალდებულის მიმართ გამამტყუნებელი განაჩენი გამოიტანა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები