ვოლსკი: ვაშაძეს მაქსიმუმი რაც ჰქონდა გაკეთებული, ეს იყო რუსეთის საგარეო საქმეთა სამინისტროში მუშაობა

2018-12-02 18:46:35, 1733 ნახვა

კომენტარი

პარლამენტის ვიცე-სპიკერი გია ვოლსკი მიიჩნევს, რომ ქართულმა საზოგადოებამ პრეზიდენთან დაკავშირებით სწორი არჩევანი გააკეთა.

ვოლსკის თქმით, სალომე ზურაბიშვილს საკმაოდ კარგი ბიოგრაფია აქვს.

"სალომე ზურაბიშვილი არის ადამიანი, ვისაც ბიოგრაფიაში რაღაც მნიშვნელოვანი აქვს გაკეთებული, მთელი სია შეიძლება ჩამოითვალოს, მაშინ როდესაც, ვაშაძეს ყველაზე მაქსიმუმი რაც ჰქონდა გაკეთებული ეს იყო უცხოეთში ჯგუფებთან ერთად ყოფნა და რუსეთის საგარეო საქმეთა სამინისტროში მუშაობა. საქართველოს საგარეო საქმეთა მინისტრის მოადგილის პოსტიდან ის ადამიანებს მოუწოდებდა დარჩენილიყვნენ ზონაში, თითქოს რუსეთი არ იყო შემოჭრილი საქართველოში. მაშინ, როდესაც ძალიან კარგად იცოდა რა ხდებოდა ჩვენს თავს; ასე რომ, მოღალატეობრივი საქციელის გარდა ვაშაძე არაფერში შემჩნეული არ არის. გადახედეთ ლიდერებს, ვინც დღეს ხალხს დაძაბულობისკენ მოუწოდებს და დასკვნებს თავდა გააკეთებთ“, - აღნიშნა ვოლსკიმ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები