,,ჩვენი მხარდაჭერილი კანდიდატი დამაჯერებლად მოიგებს. ჩვენ გვაქვს შანსი, რომ ,,ნაციონალურ მოძრაობაზე“ მინიმუმ 300 ათასი ხმით გავიმარჯვოთ“, - ამის შესახებ, პარლამენტის ფრაქცია „ქართული ოცნების“ თავმჯდომარემ, მამუკა მდინარაძემ პარტიის ოფისში გამართულ ბრიფინგზე განაცხადა.

როგორც მდინარაძემ აღნიშნა, გაერთიანებულმა ოპოზიციამ ეს მონაცემები იცის და ამომრჩევლების მობილიზება დაიწყო იმ უბნებზე, სადაც „ედისონ რისერჩი“ ეგზიტპოლებს ატარებს.

„ამ შემთხვევაში „ნაციონალურ მოძრაობას“, ამ ძალას, რომელსაც წყურია რევანში, მივმართავ, რომ აზრი ეკარგება ყოველგვარ მანიპულაციებსა და პროვოკაციებს. მათ შორის კვლევებით და ეგზიტპოლით მანიპულაციასაც. ირაკლი კობახიძემ დღეს  ბრიფინგი გამართა და რუსთავში, კარუსელებში, „ნაციონალური მოძრაობა“ ამხილა. კობახიძემ დაასახელა 10-ზე მეტი პირი, რომლებიც „ნაციონალური მოძრაობის“ წარმომადგენლები არიან. ეს ადამიანები სხვადასხვა უბნებზე გადაადგილდებოდნენ და ცდილობდნენ, რომ ორმაგი მარკირების მიუხედავად, ხმა მიეცათ კიდევ ერთხელ. ეს პროცესი ჩვენი ძალისხმევით შეჩერდა, ამის შემდეგ კი „ნაციონალური მოძრაობა“ გადავიდა ეგზიტპოლებით მანიპულაციებზე. ისინი ამ წუთებში ახდენენ საკუთარი აქტივის მობილიზებას იმ ადგილებში, სადაც „ედისონ რისერჩი“ ატარებს გამოკითხვებს. ამას აზრი ეკარგება მეგობრებო. ჩვენი მხარდაჭერილი კანდიდატი მოიგებს დამაჯერებლად. საუბარია, დაახლოებით, 300 ათასი ხმით სხვაობაზე. დაანებეთ თავი პროვოკაციებს, მანიპულირებას და შეეგუეთ რეალობას, რომელსაც ჩვენი ამომრჩეველი უზრუნველყოფს“, - განაცხადა მამუკა მდინარაძემ.

ავტორი: ,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება