იუსტიციის მინისტრის მოადგილე ყალბი პირადობების დაბეჭდვის შესაძლებლობას გამორიცხავს

2018-11-21 15:08:42, 1312 ნახვა

კომენტარი

ყალბი პირადობის მოწმობების დაბეჭდვის შესახებ გაჟღერებულ ბრალდებებს იუსტიციის მინისტრის პირველი მოადგილე მიხეილ სარჯველაძე სიცრუეს უწოდებს.

როგორც სარჯველაძემ განაცხადა, პირადობის მოწმობის დაბეჭდვას სპეციალური პროცედურები სჭირდება და ამ პროცედურების გავლის გარეშე, მისი დამზადება შეუძლებელია.

"დასახელდეს კონკრეტული ფაქტები, რომლის მეშვეობითაც შესაძლებელი იქნება ანალიზი. თუმცა საკმარისად ითქვა ამის გამომრიცხავი ბევრი გარემოება. ვინაიდან, საბეჭდი ცენტრები იმ რეგიონებში, რომელზეც იყო საუბარი, საერთოდ არ არის განთავსებული და განთავსებულია სრულიად სხვა ტერიტორიულ ერთეულებში. არცერთი მიმართულებით არ შეიძლება, რომ არსებობდეს შანსი იმისა, რომ რაიმე რეალური დასაყრდენი ჰქონდეს იმ განცხადებებს და ბრალდებებს, რაც გუშინ გამოითქვა. გამიჭირდება წინასწარ პროგნოზირება, ვინ შეიძლება დაიბარონ, როგორ წარიმართოს პროცედურა, ამაზე პროგნოზების გაკეთება ჩემი მხრიდან არ ივარგებს,“- განაცხადა მიხეილ სარჯველაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები