|
2018-11-16 20:44:49, 2967 ნახვა
ეკონომიკა
გიორგი ქობულია - მიკრო და მცირე მეწარმეობის განვითარება ქვეყნის ეკონომიკური წინსვლის ერთ-ერთი მთავარი ფაქტორია
საქართველოს ეკონომიკისა და მდგრადი განვითარების მინისტრი დღეს ახალციხეში ადგილობრივ მცირე მეწარმეებს შეხვდა, რომლებმაც მიკრო და მცირე მეწარმეობის ხელშეწყობის პროგრამით ისარგებლეს. გიორგი ქობულიამ მათი საწარმოები დაათვალიერა, კერძოდ: დარეჯან ინასარიძის მიერ გახსნილი კერძო საბავშვო ბაღი (თანადაფინანსების თანხა: 5000 ლ), ნინო ვარდიძის ვეტ-კლინიკა (თანადაფინანსების თანხა: 5000 ლ) და ამხანაგობა „ფანტაზიის" საკონდიტრო საწარმო (თანადაფინანსების თანხა: 15000 ლ). „მე მიხარია, რომ დღეს შევხვდით ადამიანებს, რომლებმაც ჩვენი დახმარებით წარმატებას მიაღწიეს, თითოეული მათგანის წარმატება ჩვენი საერთო წარმატებაა", - აღნიშნა ეკონომიკისა და მდგრადი განვითარების მინისტრმა. გიორგი ქობულიას განცხადებით, რეგიონებში განსაკუთრებით მნიშვნელოვანია მიკრო და მცირე მეწარმეობის განვითარება, ეს ქვეყნის ეკონომიკური წინსვლის ერთ-ერთი მთავარი ფაქტორია. მიკრო და მცირე მეწარმეობის ხელშეწყობის პროგრამის ყველა ბენეფიციარი ახალციხეში თავის სეგმენტში წარმატებით საქმიანობს. მათ თანადაფინანსების პროგრამის საშუალებით შეძლეს თავიანთი ბიზნესებისთვის საჭირო ინვენტარის შეძენა, ასევე შექმნეს ახალი სამუშაო ადგილები. „აწარმოე საქართველოში" ფარგლებში მოქმედი მიკრო და მცირე მეწარმეობის ხელშეწყობის პროგრამა საქართველოს რეგიონებში მიკრო და მცირე მეწარმეობის ფინანსური და ტექნიკური მხარდაჭერის მიზნით შეიქმნა. პროგრამა მუშაობს როგორც ახალი ბიზნესების ხელშეწყობის, ასევე უკვე არსებული საწარმოების გაფართოება/გადაიარაღების კუთხით.
(NS)
ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება
ირანი აშშ-ს დაბომბვის შემდეგ ბაჰრეინს დაესხა თავს
ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ
ყირიმში მასშტაბური ტყის ხანძარი გაჩნდა
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს
მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|





epn.ge (@expressnews.ge)