„მერიას მიწისქვეშა გადასასვლელების მოწესრიგებაზე ბიუჯეტით მილიონ ლარზე მეტი აქვს გათვალისწინებული“, - ამის შესახებ დედაქალაქის მერმა დავით ნარმანიამ განაცხადა.

როგორც მან აღნიშნა, მიწისქვეშა გადასასვლელების მოწესრიგება შპს „უძრავი ქონება თბილის“-ს დაევალება, რომელიც თბილისის მერიის მიერ შექმნილი უწყებაა.

„როგორც გაირკვა, წინა ხელისუფლების პირობებში მიწისქვეშა გადასასვლელები სამ მთავარ უწყებას შორის იყო განაწილებული.  აქედან გამომდინარე, არ იყო სწორი  კოორდინაცია და  პასუხისმგებლობები შესაბამისად არ იყო გადანაწილებული, ამიტომ ჩემი დავალებით, მიწისქვეშა გადასასვლელები ერთი უწყების ქვეშ მოექცევა.  ეს იქნება შპს „უძრავი ქონება თბილისი“, რომელიც 100%  თბილისის მერიის მიერ შექმნილი უწყებაა და მას დაექვემდებარება მიწისქვეშა გადასასვლელები. რაც შეეხება ბიუჯეტს, მიწისქვეშა გადასასვლელების მოწესრიგებაზე ბიუჯეტით 1 მილიონ ლარზე მეტი გვაქვს გათვალისწინებული“, - განაცხადა დავით ნარმანიამ.

ნარმანიას განმარტებით, შპს „უძრავი ქონება თბილისის“ მოვალეობაა, მოაწესრიგოს მიწისქვეშა განათებასთან დაკავშირებული საკითხები და ასევე იქ არსებული ფართები, სამომავლოდ კომერციული მიზნების განსახორციელებლად აითვისოს.

„შპს „უძრავი ქონება თბილისი“-ს  პრიორიტეტი უნდა იყოს მიწისქვეშა გადასასვლელების მოწესრიგება,  მიწისქვეშა განათებასთან დაკავშირებული საკითხების მოგვარება, ასევე  მნიშვნელოვანია, იქ არსებული ფართების ათვისება და გაქირავება, შემდგომ კი იქედან შემოსავლების მიღება.  ჩვენი საბოლოო მიზანია, მიწისქვეშა გადასასვლელი მოსახლეობისთვის გამოყენებადი და საჭირო გავხადოთ“, - განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება