„არჩევნები მეზობელ საქართველოში, ამ ქვეყნის შიდა საქმეა და სამხრეთ ოსეთთან არანაირი კავშირი არ აქვს“, - ამის შესახებ ე.წ. სამხრეთ ოსეთის დე-ფაქტო საგარეო საქმეთა მინისტრმა დმიტრი მედოევმა განაცხადა.

როგორც მედოევმა აღნიშნა, ოკუპირებული ცხინვალი საპრეზიდენტო არჩევნებს ყურადღებით აკვირდება.

„ჩვენთან ყურადღებით აკვირდებიან წინასაარჩევნო კამპანიას, რადგან იქ განვითარებულ პოლიტიკურ პროცესებზე პირდაპირ არის დამოკიდებული ჩვენი ქვეყნის უსაფრთხოება. მაგრამ მხოლოდ იმის თქმა შემიძლია, რომ როგორც არ უნდა დასრულდეს ეს არჩევნები საქართველოში, სამხრეთ ოსეთთან მიმართებაში მათ პოლიტიკაში არაფერი შეიცვლება. წინასაარჩევნო დებატებმა ცხადჰყო, რომ საქართველოში ანტირუსული და ანტიოსური პროპაგანდა და რუსული ოკუპაციის თემა ამომრჩეველებს შორის პოპულარულია და მას ყველა კანდიდატი იყენებს. ამიტომ, საუბრები რუსეთთან და სამხრეთ ოსეთთან მიმართებაში საქართველოს კურსის შეცვლის შესახებ უბრალოდ ფიქციაა და დეკლარაციულ ხასიათს ატარებს“, - განაცხადა მედოევმა.

მისივე თქმით, „ქართულ მხარეს 2008 წელს დამარცხების გამო, რევანშის წყურვილი აქვს“.

„არჩევნების ნებისმიერი შედეგის შემთხვვაში, საქართველოს პოლიტიკა არ შეიცვლება, ის იქნება „საქართველოს დასავლელი მეგობრების“ კონტროლქვეშ“, - დასძინა ე.წ. მინისტრმა.

ავტორი: ,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან