გორში, 9 წლის გოგონას მკვლელობაში ბრალდებული, გორის რაიონულმა სასამართლომ 2004 წელს 11 წლის ბიჭის გატაცებისა და თანხის გამოძალვის ბრალდებით გაასამართლა, - ამის შესახებ ინფორმაციას "'რადიო თავისუფლება" ავრცელებს.

როგორც ადვოკატი მამუკა ნოზაძე აცხადებს, 11 წლის იჭი დღემდე გაუჩინარებულია. მისივე თქმით, ბრალდებული სასამართლომ უდანაშაულოდ სცნო თავისუფლების უკანონო აღკვეთის ნაწილში, თუმცა, გამოძალვის ნაწილში დამნაშავედ მიიჩნია.

უგზო-უკვლოდ დაკარგული ბიჭის დედის ხათუნა ბერძნიშვილის თქმით, დაკავებული მაშინ მათთან ავტოფარეხში მუშაობდა.

,,ჩემი შვილი 14 წლის წინ გაუჩინარდა. 11 წლის იყო. ეზოდან გაიყვანეს და ახალბაღისკენ წაიყვანეს. ეს პიროვნება, სწორედ, ჩემი შვილის გატაცების საქმეში ფიგურირებდა. მაშინ წერილი შემოგვიგდეს სახლში, შვილის გათავისუფლების სანაცვლოდ, 20 ათასი ლარი გადაიხადეთო. ჩვენ ეჭვი მივიტანეთ მასზე. მუშაობდა ჩვენს ავტოფარეხში, ჩემ შვილთან ძალიან დაახლოებული იყო. მას გატაცება ვერ დაუმტკიცდა, თუმცა, სასჯელი მოიხადა გამოძალვაზე", - აცხადებს დედა. 

გაუჩინარებული ბიჭის დედა ამბობს, რომ 14 წლის წინ მომხდარი ფაქტი დღემდე გამოუძიებელია:

„ძალიან ბევრი ვიარეთ, სხვადასხვა ინსტანციაში, გამოძიება უშედეგოდ მიმდინარეობდა. დღეს კი, საერთოდ არ ვიცით, ამ საქმეს რა ბედი ეწია. ჩემი შვილი კი არ ჩანს. 20 სექტემბერს 25 წლის უნდა გამხდარიყო“, - ამბობს ხათუნა ბერძნიშვილი.

ავტორი: ,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს