"შემაშინებელი არაადეკვატურობის გარდა, ჩვენ ვიხილეთ პრაქტიკულად აღიარებითი ჩვენება, რომ სისტემის მაფიოზური მართვის და ძალადობის აისბერგის წვერი არის ბიძინა ივანიშვილი", - ასე აფასებს „ევროპული საქართველოს“ ერთ-ერთი ლიდერი გიგი უგულავა ყოფილი პრემიერ-მინისტრის, ბიძინა ივანიშვილის გუშინდელ ინტერვიუს.

უგულავას თქმით, ივანიშვილი კორუფციული გარიგებების ყველანაირ დეტალშია ჩართულია.

„რაც ჩვენ ვიხილეთ გუშინ ეთერში, პირდაპირ შემაშინებელი არაადეკვატურობისა, ჩვენ ვიხილეთ პრაქტიკულად აღიარებითი ჩვენება, რომ მთელი ის მაფიოზური სისტემა მართვის და ძალადობის, მთავრდება და აისბერგის წევრი არის ბიძინა ივანიშვილი. ჩვენ ვიხილეთ აღიარებითი ჩვენება რომ, მთელი ის სიგარეტის საგა, რომელიც თავისთავში სასამართლო პროცესებსაც მოითხოვს, ანუ „ფილიპ მორისთან“ დავას, წაგებას, დარიცხვას - ამ სქემას, სადაც ჩხარტიშვილი მონაწილეობდა, მთლიანად ივანიშვილისგან იმართება და მისგან გამოდის", - განაცხადა უგულავამ. 

ჩვენ ვიხილეთ ის, რომ ეს ადამიანი ჩართულია კორუფციული გარიგებების ყველანაირ დეტალში და ამავდროულად არაფერზე, რაც სახელმწიფოს და ხალხს სჭირდება, პასუხისმგებლობას არ იღებს. ჩვენ ვნახეთ, რომ ის ჩართულია კვადრატული მეტრების ზომვაში საკუთარი ჩინოვნიკების სასახლეების და ამავდროულად არ იცის სოციალური დახმარების სისტემა როგორია დღეს ქვეყანაში ან ის, რომ მის მთავრობას მე-4 წელია უკვე პენსია არ გაუზრდია. ჩვენ ვხედავთ ძალიან შემაშინებელ მართვის სტრუქტურას, რომელსაც კავშირი არ აქვს დემოკრატიასთან, თავისუფლებასთან და ეს არის ჩვეულებრივი, მაფიოზური, „პახანური“ მმართველობა. ეს უნდა დავასრულოთ 28 ოქტომბერს“, - აცხადებს გიგი უგულავა.

ავტორი: ,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს