გახარია: გემების პირად შემადგენლობას მინდა ვუსურვო პირდაპირი მონაწილეობა მიიღონ ქვეყნის ერთიანობის საქმეში

2018-10-18 15:58:53, 1055 ნახვა

კომენტარი

საქართველოს შინაგან საქმეთა სამინისტროს აშშ-ს მთავრობამ "აილენდის" კლასის ორი ხომალდი გადასცა.

ხომალდების გადმოცემის ცერემონია ფოთში, სანაპირო დაცვის ბაზაზე გაიმართა.

„ამ ორი გემის საშუალებით, ჩვენ შეგვიძლია მივიღოთ მონაწილეობა „ნატო“-ს წვრთნებში და შინაგან საქმეთა სამინისტროს როგორც უკვე ახალ ორგანოს ახალ სამინისტროს აქვს საშუალება გახსნას ახალი შესაძლებლობების ფანჯარა „ნატო“-სთან ურთიერთობაში, რამეთუ ჩვენი კოოპერირება იყოს უფრო ღრმა და საქართველო უფრო ახლოს იყოს „ნატო“-სთან. აქედან გამომდინარე, ამ ორი გემის დღეს გაშვებას რომელსაც მინდა ზურგის ქარი ვუსურვო, აქვს პრაქტიკულად დიდი მნიშვნელობა ქვეყნისთვის, შინაგან საქმეთა სამინისტროსთვის და „ნატო“-სთან ურთიერთობისთვის. ასევე, სიმბოლურია გემების დასახელებები და რა თქმა უნდა, მე დღეს ვუსურვე და კიდევ ერთხელ გავიმეორებ, ამ პირად შემადგენლობას რომლებიც მსახურობენ ამ გემებზე, მინდა ვუსურვო პირდაპირი მონაწილეობა მიიღონ ქვეყნის ერთიანობის საქმეში", - განაცხადა მინისტრმა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები