მასწავლებელთა დღესთან დაკავშირებით, იუსტიციის სამინისტროს სსიპ „დანაშაულის პრევენციის ცენტრის“ დირექტორი თათია ხოჭოლავა მედიაციის სახლის მოხალისე მასწავლებლებს შეხვდა, გაწეული საქმიანობისთვის მადლობა გადაუხადა და მადლობის სიგელები გადასცა.

10 მოხალისე პედაგოგი სსიპ „დანაშაულის პრევენციის ცენტრთან“ რამდენიმე თვეა თანამშრომლობს. საგანმანათლებლო სასწავლო კურსები პროგრამა „ახალგაზრდული კლუბის“ ფარგლებში სხვადასხვა სახელოვნებო მიმართულებით (მუსიკა, ფოტოხელოვნება) შეიქმნა. მუსიკალურ ბენდსა და ფოტოგრაფიის შემსწავლელ ჯგუფებს შესაბამისი განათლების მქონე მოხალისე პედაგოგები უძღვებიან. პროექტში 20-ზე მეტი ბენეფიციარი ჩაერთო.  მასწავლებლებმა ბენეფიციარებს სხვადასხვა მუსიკალურ საკრავზე დაკვრა და ფოტოხელოვნების დარგები შეასწავლეს. შეხვედრაზე იმ ვიდეორგოლების ჩვენებაც მოეწყო, რომლებიც პროექტის ფარგლებში დამზადდა.

თათია ხოჭოლავას თქმით, პროექტი მედიაციის სახლის ბენეფიციარების საჭიროებიდან გამომდინარე, საპილოტე რეჟიმში შეიქმნა. „10 მოხალისე პედაგოგი მაღალი სოციალური პასუხისმგებლობით ჩაერთო არასრულწლოვნებში დანაშაულის პრევენციის მიზნით არსებული სახელმწიფო პროგრამების მხარდაჭერასა და განხორციელებაში. ბენეფიციარებმა, მუსიკალურ-საგანმანათლებლო პროექტში შემოქმედებითი ჩართულობით, მეტი დრო დაუთმეს მათთვის საინტერესო და სასარგებლო საქმიანობას“, განაცხადა თათია ხოჭოლავამ.

იუსტიციის სამინისტროს სსიპ „დანაშაულის პრევენციის ცენტრის" ბაზაზე არსებულ მედიაციის სახლში მოზარდისადმი კეთილგანწყობილი სივრცეა შექმნილი და ეხმარება ბენეფიციარს თავისუფალი დრო ნაყოფიერად, საინტერესოდ გაატაროს. მედიაციის სახლში იმართება სამიზნე ჯგუფების საჭიროებებზე მორგებული ტრენინგები და საგანმანათლებლო სემინარები.

(NS)

ავტორი: ,

სოციალური ქსელები

Axios: სომხეთმა გამოაცხადა შეერთებული შტატებისგან თავდაცვის ტექნოლოგიების შეძენის შესაძლებლობა.

ზელენსკიმ ფედოროვთან და სირსკისთან ისაუბრა: გადაწყვეტილებები შემუშავდება

მოსკოვის რეგიონში Wildberries-ის საწყობზე თავდასხმის შედეგად დაშავებულთა რაოდენობამ 60-ს გადააჭარბა

19 ივლისს უმეტეს რეგიონში მოსალოდნელია წვიმა, ელჭექი, სეტყვა