2018 წელს, აზიური ფაროსანას წინააღმდეგ ჩატარებული ღონისძიებების და შედეგების შესახებ ანგარიში  პარლამენტის აგრარულ საკითხთა კომიტეტის სხდომაზე განიხილეს. 

გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა  დეტალურად  ისაუბრა  მავნებელთან ბრძოლის ღონისძიებების მიმდინარეობაზე, მიღწეულ შედეგებზე და მოსავლის დაზიანების მიზეზებზე.

აგრარული კომიტეტის თავმჯდომარემ, ოთარ დანელიამ გარემოს დაცვისა და სოფლის მეურნეობის სამინისტროს, სურსათის ეროვნული სააგენტოს და საკოორდინაციო შტაბის მუშაობა დადებითად შეაფასა.

აღინიშნა, რომ აზიური ფაროსანას საწინააღმდეგო ღონისძიებები სახელმწიფო სტრატეგიის შესაბამისად მიმდინარეობს. მიმდინარე წელს, სახელმწიფოს მიერ დამუშავებულია 625 ათასამდე ჰექტარი ფართობი. ჩატარებული ღონისძიებების შედეგია, რომ მავნებელი  არ გავრცელდა აღმოსავლეთ საქართველოში, ხოლო დასავლეთ საქართველოში მისი პოპულაცია, გასულ წელთან შედარებით, შემცირებულია. ხაზგასმით აღინიშნა ის ფაქტი, რომ იქ სადაც სახელმწიფოს მიერ ჩატარებული ღონისძიებების პარალელურად, მოსახლეობა და ფერმერები აქტიურად იყვნენ  ჩართულნი, დროულად გაატარეს აგროსამუშაოები, როგორც ფაროსანას, ასევე  სოკოვანი  და ბაქტერიული დაავადებების წინააღმდეგ, კარგი მოსავალი მიიღეს.

საკომიტეტო განხილვაზე, როგორც უმრავლესობის, ასევე ოპოზიციის წარმომადგენლებმა  აღნიშნეს, რომ, შარშანდელთან შედარებით,  წელს მასშტაბური ღონისძიებები ჩატარდა და კვლავ ხორციელდება. შედეგად, ვითარება საგრძნობლად გაუმჯობესებულია.

საკომიტეტო განხილვას, ფერმერები, სამეცნიერო წრეების  და დარგობრივი ასოციაციების წარმომადგენლები ესწრებოდნენ.

(NS)

ავტორი: ,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა