„საქართველოს მთავრობა ემიგრანტებისგან ან საზღვარგარეთ მყოფი საქართველოს მოქალაქეებისგან საქართველოში გადმორიცხულ თანხებზე, არანაირი სანქციების დაწესებას არ აპირებს“,-ამის შესახებ  ფინანსთა მინისტრი ნოდარ ხადური  ფეისბუქის ოფიციალურ გვერდზე წერს. 

როგორც ხადური აღნიშნავს, სოციალური  ქსელში გავრცელებული  ცნობები  ემიგრანტების  მიერ საზღვარგარეთიდან  საქართველოში   გადმორიცხულ თანხებთან დაკავშირებით დეზინფორმაციაა. 

„საქართველოს მთავრობა ემიგრანტებისგან ან საზღვარგარეთ მყოფი საქართველოს მოქალაქეებისგან საქართველოში გადმორიცხულ თანხებზე, ფულად გზავნილებზე არანაირი სანქციების დაწესებას არ აპირებს. მსგავსი არასოდეს ყოფილა განხილული ჩვენი ხელისუფლების პირობებში.

დღეს აღნიშნულთან დაკავშირებით, სოციალურ ქსელში გავრცელებული ცნობები არის დეზინფორმაცია და სრული სიყალბე.

მეგობრებო, გთხოვთ, ნუ აზიარებთ ამ ყალბ ინფორმაციას და ჩემს კომენტარს, რომელიც 2014 წლის ბოლოს არის ჩაწერილი და

სულ სხვა თემას - ლარის გაცვლით კურსს ეხება. ნუ შეუწყობთ ხელს შეგნებულად დაგეგმილ პროვოკაციას, რომლის მთავარი მიზანიც მოსახლეობის მოტყუებაა!“,-აღნიშნავს ნოდარ ხადური.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს