ხორავას ქუჩაზე მოკლული დავით სარალიძის მამა, ზაზა სარალიძე აცხადებს, რომ მმართველი გუნდი მკვლელებს მფარველობს, ასევე მფარველობს მათ, ვინც გამოძება გააყალბა.
"მოვუწოდებ ქართულ საზოგადოებას, დაგვიდგეს გვერდში, ჩვენ ერთად უნდა აღვავლინოთ სამართლიანობა საქართველოში. დროა, ერი გამოფხიზლდეს, რათა ხვალ შემდეგი არ იყოს. დღეს ჩვენ არ ვართ მარტო შვილმოკლული მშობლები, დღეს ჩვენ ვართ სისტემის მსხვერპლნი, სისტემამ გადაწყვიტა ჩვენი ოჯახების განადგურება.  არავის მივცემთ უფლებას,  ჩვენი მოკლული შვილების სულებში ჩააფურთხონ, ეს ძალიან ძვირად დაუჯდება ამ ხელისუფლებას იქიდან გამომდინარე, რომ ისევ და ისევ მფარველობენ მკვლელებს, ხელის დამფარებლებს და უნდათ, მარტო თავიანთი ზეგავლენა მოახდინონ ყველაფერზე. ასევე მოვუწოდებ იმ ამერიკელ და ევროპელ მეგობრებს, რომლებთანაც ჩვენ გვინდოდა ჩასვლა, მაგრამ გადაგვიკეტეს გზა, მოვუწდებ ყველას, აქ ჩამოვიდნენ რათა გაეცნონ ვითარებას ადგილზე, გვერდზე დაგვიდგნენ სამართლიანობის აღდგენისთვის, ჩვენ ვიბრძოლებთ ჩვენი მოკლული შვილების სიწმინდისთვის და ჩვენი ცოცხალი შვილების მომავლისთვის", - აღნიშნა ზაზა სარალიძემ.  

ავტორი: ,

სოციალური ქსელები

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა