ავარიის დროს დაშავებული 9 ადამიანი საავადმყოფოში რჩება, ორი მათგანის მდგომარეობა მძიმეა

2018-08-05 12:23:10, 1121 ნახვა

საზოგადოება

ცენტრალურ ავტომაგისტრალზე ავარიის დროს დაშავებული სამი პაციენტი მცხეთის „ჯეო ჰოსპიტალსის“ რეანიმაციულ განყოფილებაში რჩება.

ამ დროისთვის 9 ადამიანი სამკურნალო დაწესებულებაში რჩება. მათგან ორის მდგომარეობა მძიმეა. ისინი მართვით სუნთქვაზე იმყოფებიან. ორივე პაციენტს ჩაუტარდა გადაუდებელი ტრავმატოლოგიური ოპერაცია. ქირურგიულ განყოფილებაში მოათავსეს ავარიის დროს დაშავებული 4 არასრულწლოვანი. მათი მდგომარეობა სტაბილურია.

იაშვილის სახელობის კლინიკაში მოთავსებულ ორ არასრულწლოვანიდან, ერთი მოზარდი გუშინ გაწერეს, ხოლო მეორე პაციენტი კლინიკას დღეს საღამოს დატოვებს.

თბილისის მიმართულებით მოძრავი სამგზავრო ავტობუსი სოფელ ფერმასთან სატვირთო ავტომობილს გუშინ შეეჯახა. ავარიის დროს დაიღუპა ერთი ახალგაზრდა, 1992 წელს დაბადებული მამაკაცი, ხოლო დაშავდა 13 ადამიანი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები