„სერიოზული პასუხისმგებლობა დაეკისრება ხელისუფლებას, თუ კი ის პირები, რომლებმაც ეს დანაშაული ჩაიდინეს, მართლმსაჯულებას გადაურჩებიან“, - ამის შესახებ სასჯელაღსრულების და პრობაციის მინისტრის მოადგილემ კახი კახიშვილმა იური ვაზაგაშვილის დაღუპვის კომენტირებისას განაცხადა.

კახიშვილი იმედოვნებს, რომ დანაშაული უმოკლეს ვადაში გაიხსნება და დამნაშავეები კანონის ფარგლებში, მაგრამ უმკაცრესად დაისჯებიან.

„ეს თუ სიმართლეა, ერთადერთი შემიძლია ვთქვა, რომ ძალიან სერიოზული პასუხისმგებლობა დაეკისრება ხელისუფლებას, თუკი ის პირები, რომლებმაც ეს საზარელი დანაშაული ჩაიდინეს, გადაურჩებიან მართლმსაჯულებას. როდესაც წლების განმავლობაში სამართლიანობის აღდგენაზე ვსაუბრობდით, ერთხელ და სამუდამოდ ამ საკითხს წერტილი უნდა დაესვას. ასეთ ტრაგედიებს საქართველოში ადგილი აღარ უნდა ჰქონდეს. ამდენი წლის კაცი ვარ, ძალიან დიდი გამოცდილება მაქვს, პროკურატურაში, სასჯელაღსრულებაში ინფორმაციებთან დაკავშირებით და ამ ფაქტმა დამბურძგლა. იმედს ვიტოვებ, უმოკლეს ვადაში ეს დანაშაული გაიხსნება და დამნაშავე პირები, კანონის ჩარჩოში, მაგრამ ძალიან მკაცრად იქნებიან დასჯილი იმისათვის, რომ ადამიანებს ჰქონდეს გარანტია, რომ ამ ქვეყანაში სიმართლისთვის არ კვდებიან“, - განაცხადა კახა კახიშვილმა.
ცნობისთვის,  იური ვაზაგაშვილი მისი შვილის ზურაბ ვაზაგაშვილის საფლავზე აფეთქდა. ის ადგილზე გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას