2018-07-19 15:03:39, 753 ნახვა

---

თეთნულდზე დაკარგული ტურისტების ადგილსამყოფელი ცნობილია - მიმდინარეობს სამაშველო ოპერაცია [ვიდეო]

საგანგებო სიტუაციების მართვის სამსახურის ინფორმაციით, თეთნულდზე დაკარგული ორი ტურისტის ადგილსამყოფელი ცნობილია, თუმცა მათთან მისვლა რთული მეტეოროლოგიური პირობების გამო, ამ დრომდე ვერ ხერხდება.

 „თეთნულდში სამთო-სამაშველოს მაშველებმა ორი უკრაინელი ტურისტის ადგილმდებარეობა უკვე დაადგინეს. სამაშველო სამუშაოებში ჩართულია ვერტმფრენი და სამთო-სამაშველო ჯგუფი.

ტურისტთა 8-კაციანი ჯგუფი, თეთნულდზე, ზღვის დონიდან 4200-მეტრზე იმყოფებოდა, როდესაც 2 ტურისტი ჯგუფს ჩამორჩა და დაიკარგა.

ცუდი მეტეოროლოგიური პირობების და რთულად მისადგომი რელიეფის გამო, ჯერჯერობით, ადგილზე მისვლა ვერ ხერხდება“, - ნათქვამია საგანგებო სიტუაციების მართვის სამსახურის განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი