შინაგან საქმეთა სამინისტროში საქართველოში აკრედიტებული დიპლომატიური მისიის წარმომადგენლებთან საინფორმაციო-სამუშაო შეხვედრა გაიმართა. შინაგან საქმეთა მინისტრის პირველმა მოადგილემ კახაბერ საბანაძემ და მინისტრის მოადგილემ - ნათია მეზვრიშვილმა დიპლომატებს ცალკეული სისხლის სამართლის საქმეებზე მიმდინარე გამოძიების შედეგები გააცნეს.

გარდა ამისა, შეხვედრაზე საუბარი შეეხო სამინისტროში მიმდინარე რეფორმებს და ინიციატივებს. კერძოდ, დიპლომატიური კორპუსის წარმომადგენლებმა  ინფორმაცია მიიღეს მართლწესრიგის ოფიცრის ინსტიტუტის შესახებ. როგორც ცნობილია, კრიმინალური პოლიციის რეფორმის ფარგლებში ხდება საუბნო მიმართულების ტრანსფორმაცია, რის შედეგადაც, უბნის ინსპექტორის ნაკლებეფექტიანი მოდელის ნაცვლად ინერგება თანამედროვე, მსოფლიოს არაერთ ქვეყანაში აპრობირებული საზოგადოებაზე ორიენტირებული პოლიციის კონცეფცია, რომლის ერთ-ერთ მნიშვნელოვან კომპონენტს წარმოადგენს მართლწესრიგის ოფიცრის ინსტიტუტი. შინაგან საქმეთა სამინისტრომ  მართლწესრიგის ოფიცრის ვაკანსიაზე განაცხადების მიღება გუშინ გამოაცხადა. აღნიშნულ რეფორმას მხარს უჭერენ საქართველოს პარტნიორი ქვეყნები.

ელჩებთან შეხვედრისას საუბარი ასევე შეეხო ოჯახში ძალადობის და ქალთა მიმართ ძალადობის მიმართულებით შინაგან საქმეთა სამინისტროს მიერ გაწეულ საქმიანობას და ინიცირებულ საკანონმდებლო ცვლილებებს.

(NS)

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით