თბილისში, ვაჟა-ფშაველას გამზირზე ავტოსაგზაო შემთხვევა მოხდა.

არსებული ინფორმაციით, დიდი სიჩქარით მიმავალი მოტოციკლეტი ავტომობილს შეეჯახა. 

შემთხვევის შედეგად მოტოციკლეტზე მსხდომი ორი ადამიანი დაშავდა. ისინი სასწრაფო-სამედიცინო დახმარების ბრიგადამ რესპუბლიკურ საავადმყოფოში  გადაიყვანა.

როგორც  „ექსპრესნიუსს“ რესპუბლიკურ საავადმყოფოში განუცხადეს,  ორივე დაშავებულის მდგომარეობა სტაბილურია და მათ სიცოცხლეს საფრთხე არ ემუქრება.

 „ორივე მამაკაცს აღენიშნება  დაჟეჟილობები და ამჟამად ემერჯენსშია მოთავსებული.  უტარდებათ ყველა საჭირო გამოკვლევა დაზიანების დასადგენად“, - აცხადებენ რესპუბლიკურ საავადმყოფოში.

შინაგან საქმეთ სამინისტროს ინფორმაციით, მომხდართან დაკავშირებით  გამოძიება სსკ-ს 176-ე მუხლით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

ავტორი: ,

სოციალური ქსელები

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ

ყირიმში მასშტაბური ტყის ხანძარი გაჩნდა

სიკორსკიმ გააკრიტიკა პოლონეთის რეაქცია „თეთრი არწივის ორდენის“ სკანდალზე

გახარია - ქვეყანაში ოპოზიციაში ყოფნა დღეს ფიზიკური უსაფრთხოების რისკს უკავშირდება