პოლიტიკური პარტია "გირჩი" უერთდება არასამთავრობო ორგანიზაციების მოთხოვნას, დატოვოს თეა წულუკიანმა იუსტიციის მინისტრის თანამდებობა, - ამის შესახებ "გირჩის" განცხადებაშია ნათქვამი.

როგორც განცხადებაშია აღნიშნული, პროკურატურაში არსებული მდგომარეობა თეა წულუკიანის პასუხისმგებლობაა.

"სასამართლოსა და პროკურატურაში არსებული სავალალო მდგომარეობა მნიშვნელოვანწილად სწორედ თეა წულუკიანის პასუხისმგებლობაა და არცერთი თავმოყვარე ორგანიზაცია მასთან კონსულტაციებზე არ უნდა დაჯდეს. თუ გვინდა, რომ მომავალ გენერალურ პროკურორს ჰქონდეს რაიმე ლეგიტიმაცია მაინც, მისი არჩევის პროცესთან არაფერი უნდა ჰქონდეს საერთო დღევანდელ იუსტიციის მინისტრს. ამავე დროს, ჩვენ ვფიქრობთ, რომ მომავალი გენერალური პროკურორი უნდა იყოს ადამიანი "სისტემის გარედან", რომელიც დადებს პროკურატურის დეცენტრალიზაციის გასაგებ და რეალისტურ გეგმას - რომ პროკურატურა აღარ იყოს სადამსჯელო მექანიზმი ყველა ხელისუფლების ხელში. სხვა შემთხვევაში, წავალთ შემდეგ წრეზე", - ნათქვამია განცხადებაში.

ცნობისთვის, ათამდე არასამთავრობო ორგანიზაცია იუსტიციის მინისტრის თეა წულუკიანის გადადგომას ითხოვს.

როგორც „საერთაშორისო გამჭვირვალობა - საქართველოს“ ხელმძღვანელმა ეკა გიგაურმა არასამთავრობო ორგანიზაციების წარმომადგენელბთან ერთად გამართულ პრესკონფერენციაზე განაცხადა, თეა წულუკიანმა წლების განმავლობაში მართლმსაჯულების რეფორმას თავი ვერ გაართვა.

ავტორი: ,

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო