„მზად ვარ ჩემი შვილის ღირსებისთვის სული დავლიო“ - სარალიძე შსს-ს შეთავაზებაზე უარს ამბობს

2018-06-01 21:09:54, 1532 ნახვა

სამართალი

„მე მაგათი დაცვა არ მჭირდება“ - ასე უპასუხა ზაზა სარალიძემ შინაგან საქმეთა სამინისტროს განცხადებას, რომელშიც თანახმად მისი სიცოცხლის ხელყოფის რეალური საფრთხე არსებობს.

მისი თქმით, ის ვერ ხვდება, მთავრობამ ვისგან უნდა დაიცვას.

„თურმე მთავრობამ გადაწყვიტა ჩემი დაცვა. 6 თვე ვეხვეწები ჩემი შვილის უფლებების დაცვას და 6 თვე სულში მაფურთხებენ და სულში აფურთხებენ ჩემ შვილს. მე მაგათი დაცვა არ მჭირდება . მე მზად ვარ ჩემი შვილის ღირსებისთვის და ჩემი ქართველი მომავლისთვის აქვე დავლიო ჩემი სული და დავღვარო ჩემი სისხლი. ვისგან უნდა რომ დამიცვას ამ მთავრობამ ვერ ვხვდები. ვისგან? რა შაშიშროებას შეხედეს? ახლა ზრუნავენ ჩემე, როცა ჩემი შვილის ღირსებაზე, არჩილ ტატუნაშვილის ღირსებაზე, თემირლან მაჩალიკაშვილის ღირსებაზე არ უზრუნვიათ. ლევან დადუნაშვილის ღირსებაზე არ უზრუნვიათ. ახლა უნდათ ჩემი დაცვა? ფუი მაგათ!“,- გაანცხადა სარალიძემ.

შეგახსნებეთ, შინაგან საქმეთა სამინისტრომ ცოტა ხნის წინ საგანგებო განცხადება გაავრცელა, რომელშიც აღნიშნულია, რომ ზაზა სარალიძის სიცოხლის ხელყოფის საფრთხეს არსებობს. უწყებამ სარალიძეს დაცვის სპეციალური ღონისძიებები შესთავაზა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები