ხორავას ქუჩაზე მომხდარი მკვლელობის საქმის პროკურორი მარიამ გოგოხია ბრალდებულის დღევანდელ ჩვენებაში მირზა სუბელიანის ბრალეულობას ვერ ხედავს.

როგორც გოგოხიამ აღნიშნა, არასრულწლოვანმა ბრალდებულმა სასამართლოს არარეალური ფაქტების შემცველი ჩვენება მისცა. 

"მისი ჩვენება ეწინააღმდეგება საქმეში დაკითხულ სხვა მოწმეთა ჩვენებებსა და სხვა მტკიცებულებებს. რაც შეეხება იმ პირებს, რომლებზეც საუბრობთ, მის მიერ ამ გვარების დასახელება მოხდა, თუმცა, არა როგორც დანაშაულში უშუალო მონაწილე პირებისა. ბრალდებულმა მისი დაკითხვისას დაადასტურა, რომ შემთხვევის ადგილზე თან ჰქონდა გასაშლელი დანა, რომლის გამოყენებითაც ერთ-ერთ დაზარალებულს მან მიაყენა დაზიანება. რაც შეეხება უშუალოდ მირზა სუბელიანთან დაკავშირებულ საკითხებს, ბრალდებულმა იმდაგვარი სახის ინფორმაცია მოგვაწოდა, რომ შემთხვევის შემდეგ, როდესაც სახლში შეხვდა მირზა სუბელიანს, მათ შორის არავითარ საუბარს ადგილი არ ჰქონია ამ ფაქტთან დაკავშირებით და ასევე, მან განაცხადა, რომ სახლში ვინც იმყოფებოდა, არც მათთან რაიმე საუბარს არ შესწრებია“, - განაცხადა პროკურორმა.

კითხვაზე იკვეთება თუ არა მირზა სუბელიანის ბრალეულობა მირზა კანალდიას გაკეთებული განცხადებიდან გამომდინარე: „ბიძაჩემი მაგარი პროკურორია და ამ საქმეს მოაგვარებს", პროკურორმა განმარტა, რომ ბრალდებულს არ დაუკონკრეტებია, რომელ ბიძაზე იყო საუბარი. 

"ამ შემთხვევაში არ დაუდასტურებია, რომელ ბიძაზე იყო საუბარი და არც ის დაუდასტურებია, იყო თუ არა ცნობილი ამ ბიძისთვის მკვლელობის შესახებ რამე. შესაბამისად ამ გარემოებასთან დაკავშირებით მას ზუსტი ინფორმაცია სასამართლოსთვის არ მიუწოდებია. ბრალდებულმა დაუშვა ვარაუდი, რომ შესაძლოა ეს მირზა სუბელიანი იყო. ბრალდებულს დაკითხვისას არც ერთხელ არ უხსენებია, რომ მირზა სუბელიანისთვის აღნიშნული ფაქტის შესახებ ცნობილი იყო. არაფერი მსგავსი მას არ გაუჟღერებია“, - განაცხადა გოგოხიამ.

ავტორი: ,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა