"ქვეყნის მიღმა უზარმაზარი ინტელექტუალური პოტენციალი გვაქვს. ჩვენ გვყავს ძალიან წარმატებული ბიზნესმენები, ექიმები, პროფესორები, ფიზიკოსები, მათემატიკოსები, სხვადასხვა პროფესიის წარმომადგენლები.  ჩვენი ხელისუფლების კარი მათთვის არის ღია, ეს მათი სამშობლოა," - ამის შესახებ საქართველოს პრემიერ-მინისტრმა ირაკლი ღარიბაშვილმა  საქართველოს დიასპორის დღისადმი მიძღვნილ პირველ პროფესიულ ფორუმზე სიტყვით გამოსვლისას განაცხადა.

თბილისის სახელმწიფო უნივერსიტეტში  ღონისძიება პრემიერმა გახსნა. 

"ჩვენ 77 სტუდენტი საუკეთესოთა შორის ავარჩიეთ და გავუშვით საზღვარგარეთ საუკეთესო უნივერსიტეტებში. მე მათთან გავაფორმე ხელშეკრულება. ისინი არიან ვალდებული დაბრუნდნენ სამშობლოში და ემსახურონ ჩვენს ქვეყანას და საკუთარი ცოდნა და გამოცდილება, რა თქმა უნდა, მოახმარონ ჩვენს სამშობლოს", - განაცხადა ირაკლი ღარიბაშვილმა.

მისივე თქმით, ამ პროგრამით  საზღვარგარეთ წელს კიდევ 115 სტუდენტის გაგზავნა იგეგმება,  თუმცა ისინი ვალდებული არიან,  კვლავ საქართველოში  დაბრუნდნენ. 

ფორუმის მონაწილეებს სიტყვით მიმართა დიასპორის საკითხებში სახელმწიფო მინისტრმაც.ფორუმს საზღვარგარეთ მოქმედი დიასპორული ორგანიზაციების წარმომადგენლები ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა