აშშ-ის სენატმა ჯინა ჰასპელი აშშ-ის სადაზვერვო სააგენტოს ხელმძღვანელად დაამტკიცა. 

 CNN-ის ცნობით,  ტრამპის კანდიდატს 54 სენატორმა დაუჭირა მხარი, წინააღმდეგი კი 45 იყო.

ჯინა ჰასპელმა ცენტრალური სადაზვერვო სააგენტოს დირექტორის პოსტზე მაიკ პომპეო ჩაანაცვლა, რომელიც აშშ-ს სენატმა სახელმწიფო მდივნის პოსტზე დაამტკიცა. 

ჯინა ჰასპელი აშშ-ს ისტორიაში პირველი ქალია, რომელიც ცენტრალურ სადაზვერვო სააგენტოს უხელმძღვანელებს.

 შეგახსენებთ, ამერიკულ მედიაში გავრცელებული ინფორმაციის თანახმად, 2002 წელს ჰასპელი ტაილანდში საიდუმლო ციხეს ხელმძღვანელობდა, სადაც ტერორიზმში ეჭვმიტანილების მიმართ დაკითხვის დროს წამებას მიმართავდნენ.

ამ თანამდებობაზე მის დანიშვნას სენატორების ჯგუფი აპროტესტებდა.

კონგრესისადმი მიმდინარე კვირის დასაწყისში გაგზავნილ წერილში ჯინა ჰასპელმა აღნიშნა, რომ სადაზვერვო სააგენტოს ტერორიზმში ეჭვმიტანილების დაკითხვის დროს წამების მეთოდები არ უნდა გამოეყენებინა. მისი თქმით, ამ პროგრამამ სააგენტო და ქვეყნის რეპუტაცია დააზარალა.

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე