ანა ნაცვლიშვილი: პრეზიდენტს ყოველ წელს ჰქონდა მზაობა, საპარლამენტო გამოსვლა დებატების ფორმატში გამართულიყო

2018-04-30 15:43:58, 1953 ნახვა

კომენტარი

პრეზიდენტის საპარლამენტო მდივანი ანა ნაცვლიშვილი, პრეზიდენტის ყოველწლიური მოხსენების შემდეგ პოლიტიკური დებატების გამართვას მიესალმება.

ნაცვლიშვილის თქმით, დებატების ფარგლებში ყველა მნიშვნელოვანი საკითხი განიხილება.

"ჩვენ მივესალმებით დებატებს. ყოველ წელს გვქონდა მზაობა და ღიაობა იმისათვის, რომ ყოფილიყო პრეზიდენტის გამოსვლის შემდეგ დებატები. ბუნებრივია წელსაც მივესალმებით ამ დებატების გამართვას და რაც შეიძლება ფართო განხილვას საკითხების, რომლებიც არის საჭირბოროტო ქვეყნისთვის”, - განაცხადა ანა ნაცვლიშვილმა.

ცნობისთვის, პარლამენტის ვიცე-სპიკერმა გია ვოლსკიმ განაცხადა, რომ პრეზიდენტის ყოველწლიური მოხსენების დროს პოლიტიკური დებატები უნდა შედგეს. თავის მხრივ პარტია "ევროპული საქართველოს" წევრმა სერგო რატიანმა აღნიშნა, რომ საპარლამენტო ოპოზიცია დებატების გამართვას მიესალმება.

შეგახსენებთ, რომ პრეზიდენტი გიორგი მარგველაშვილი პარლამენტის წინაშე ყოველწლიური მოხსენებით 2 მაისს წარსდგება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები