დიდი ბრიტანეთის შინაგან საქმეთა მინისტრი ემბერ რადი თანამდებობიდან გადადგა, - ამის შესახებ BBC იუწყება.

მედია საშუალების ცნობით, შს მინისტრის გადადგომის მიზეზი სკანდალი გახდა, რომელშიც რადი ბოლო პერიოდის განმავლობაში გაეხვა.

კერძოდ, სკანდალის მიზეზი ბრიტანული მედიის მიერ გავრცელებული ინფორმაცია გახდა, რომ შინაგან საქმეთა სამინისტროში მოქმედებს პროგრამა, რომელიც ქვეყანაში კარიბის ზღვის აუზისა და აფრიკის ქვეყნებიდან ჩასახლებული მიგრანტების დეპორტაციას ემსახურება.

თავდაპირველად ემბერ რადმა პროგრამის არსებობა უარყო, შემდეგ განაცხადა, რომ ამის შესახებ ინფორმაციას არ ფლობდა, საბოლოოდ კი პარლამენტარებისა და საზოგადოების შეცდომაში შეყვანის გამო ბოდიში მოიხადა და პოსტი დატოვა.

როგორც BBC წერს, საუბარია ე.წ. Windrush პროგრამაზე. ასე ეწოდებათ აფრიკის და კარიბის ქვეყნებიდან ჩასულ ადამიანებს, რომლებიც დიდ ბრიტანეთში სამუშაო ძალების ნაკლებობის გამო მეორე მსოფლიო ომის შემდეგ მიიწვიეს.

ცნობისთვის, 1948 წლის 22 ივნისს ხომალდმა Windrush-მა დიდი ბრიტანეთის ტერიტორიაზე 492 მიგრანტი ჩაიყვანა.სკანდალი მას შემდეგ აგორდა, რაც ცნობილი გახდა, რომ ამ ადამიანების შთამომავლები არალეგალ მიგრანტებად აღიარეს.

ავტორი: ,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს