თურქეთში საქართველოს მოქალაქის მკვლელობის საქმეზე შსს-მ გამოძიება დაიწყო

2018-04-27 14:16:04, 1922 ნახვა

სამართალი

თურქეთში 47 წლის ლუხუმ ჯანჯარიას მკვლელობის საქმეზე საქართველოს შინაგა საქმეთა სამინისტრომ გამოძიება დაიწყო.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

სამინისტროს ცნობით, დანიშნულია ექსპერტიზა და მიმდინარეობს აქტიური საგამოძიებო მოქმედებები.

თურქეთში საქართველოს მოქალაქე ლუხუმ ჯანჯარია მოკლეს. ამის შესახებ მოკლულის ახლობელმა "ექსპრესნიუსს" განუცხადა. მისივე ცნობით, ჯანჯარია ერთ-ერთ სკვერში ყელგამოჭრილი იპოვეს. იგი თურქეთში სამუშაოდ იყო წასული. მოკლული ზუგდიდის რაიონის სოფელ კახათში ცხოვრობდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები