საქართველოს პრემიერ-მინისტრი ირაკლი ღარიბაშვილი იტალიელმა კოლეგამ, მატეო რენციმ, იტალიაში ოფიციალური ვიზიტით მიიწვია.

ორი ქვეყნის მთავრობის მეთაურების პირველი შეხვედრა რიგაში, „აღმოსავლეთ პარტნიორობის“ სამიტის ფარგლებში გაიმართა.

იტალიასთან პოლიტიკურ-ეკონომიკური თანამშრომლობის გაღრმავება, საქართველო-ევროკავშირის ურთიერთობები და ევროპული სამეზობლო პოლიტიკის მომავალი, საუბრის მთავარი თემები იყო.
ირაკლი ღარიბაშვილმა მატეო რენცის საქართველოს ევროატლანტიკური მისწრაფებების, ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა.

მხარეებმა განიხილეს ეკონომიკური თანამშრომლობის პერსპექტივები და  იმედი გამოთქვეს, რომ საქართველო-იტალიას შორის სავაჭრო ბრუნვის ზრდის დინამიკა შენარჩუნდება.

საქართველოს პრემიერ-მინისტრი ასევე მიესალმა ახალი საარჩევნო კანონის - „იტალიკუმის“ მიღებას, რომელიც იტალიაში პოლიტიკური ცხოვრების სტაბილურობას შეუწყობს ხელს და წარმატებები უსურვა მმართველ „დემოკრატიულ პარტიას“ რეგიონულ და ადგილობრივ არჩევებში, რომელიც 31 მაისს გაიმართება.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს