ისრაელის არმიამ ღაზას სექტორზე მორიგი ავიაიერიში მიიტანა, - ამის შესახებ Anadolu იუწყება.

მედია საშუალების ინფორმაციით, ისრაელის არმიის სამიზნე მოძრაობა "ჰამასის" ერთ-ერთი ფრთა იყო, რომელსაც თელ-ავივი ტერორისტულ ორგანიზაციად მიიჩნევს.

მედიის ცნობით, ავიაიერიში პალესტინელების მიერ ხელნაკეთი ასაფეთქებელი მოწყობილობის გამოყენების საპასუხოდ მიიტანეს. აღსანიშნავია, რომ ავიადარტყმის დროს დაშავებულების ან დაღუპულების შესახებ ინფორმაცია ჯერჯერობით არ გავრცელებულა. 

ამასთან, ისრაელის არმიამ მდინარე იორდანთან 16 პალესტინელი დააკავა. მათი დაკავება ისრაელის არმიის მიერ განხორციელებული რეიდების ფარგლებში მოხდა. დაკავებულებს ბრალად ტერორიზმთან კავშირი ედებათ.

ისრაელ-ღაზას საზღვარზე 7-კვირიანი საპროტესტო აქცია გრძელდება. ვითარება მას შემდეგ დაიძაბა, რაც პალესტინელებმა ე.წ. დაბრუნების მარში მოაწყვეს.

შეგახსენებთ, რომ 31 მარტს ერთ-ერთი შეტაკების დროს 16 პალესტინელი დაიღუპა, 1 500-მდე ადამიანი კი, დაშავდა.  აქციები მაისის შუა რიცხვებამდე გაგრძელდება. სწორედ ამ დროს იერუსალიმში ამერიკის შეერთებული შტატების საელჩოს გახსნა იგეგმება. გარდა ამისა, შეტაკებების შედეგად პალესტინელი ჟურნალისტი დაიღუპა. 

ავტორი: ,

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი