საქართველოს მესამე პრეზიდენტი მიხეილ სააკაშვილი მსოფლიოს მასშტაბით რუსი დიპლომატების გაძევებას ეხმაურება.

როგორც სააკაშვილი Facebook-ის საკუთარ გვერდზე წერს, პრეზიდენტ ტრამპისა და ევროპული ქვეყნების გადაწყვეტილება რუსი ჯაშუშების გაძევების თაობაზე ძალიან მნიშვნელოვანია. 

"დასავლეთი იღვიძებს და სჯობს გვიან, ვიდრე არასოდეს. 2006 წელს მას შემდეგ, რაც ჩვენ დავამტკიცეთ ГРУ-ს ოფიცრების მონაწილეობა გორში მომხდარ ტერაქტში, რის შედეგადაც ადგილობრივ პოლიციაში 5 ადამიანი დაიღუპა, ჩვენ 7 რუსი ოფიცერი დავაკავეთ, რომლებსაც პირდაპირი კავშირი ჰქონდათ ამ ტრაგედიასთან. მაშინ ბევრმა დასავლელმა დიპლომატმა ზედმეტად აგრესიულად გამომაცხადა, ისიც კი, თქვეს, რომ გაწონასწორებული არ ვარ. ეუთო-ს მაშინდელი თავმჯდომარე, ბელგიის საგარეო საქმეთა მინისტრი დე გიუხტი ჟურნალისტებთან ჭორაობდა იმის თაობაზე, რომ მე ვაჭარბებ საფრთხეს და დასავლეთს არასაჭირო კონფლიქტში ვრთავ. მაშინ პუტინმა საპასუხოდ რუსეთში ქართველების მასიურად დაკავება დაიწყო და ისინი სატრანსპორტო თვითმფრინავებით საქართველოში გამოაგზავნა, დასავლეთი კი ამას შორიდან აკვირდებოდა. ახლა ყველაფერი იცვლება და მადლობა ღმერთს, რომ ახლა მაინც მიხვდა ყველა, თუ რასთან აქვთ საქმე", - განაცხადა სააკაშვილმა.

ის უკრაინის პრეზიდენტის პეტრო პოროშენკოს გადაწყვეტილებასაც გამოეხმაურა, რომლის თანახმადაც 13 რუს დიპლომატს ქვეყნიდან გააძევებენ.

"რაც შეეხება პოროშენკოს გადაწყვეტილებას, ომის ოთხი წლისა და 10 ათასი უკრაინელის მკვლელობის შემდეგ პოროშენკომ ეს ჟესტი მხოლოდ იმიტომ გააკეთა, რომ მოწონება დაემსახურებინა. ეს უკრაინელი ხალხის ღირსებას ამცირებს ჩვენ საქართველოში ეს საკითხი მარტივად გადავწყვიტეთ. მას შემდეგ, რაც პუტინი საქართველოს თავს დაესხა, ჩვენ დავხურეთ რუსეთის საელჩო და რუსეთთან დიპლომატიური ურთიერთობები გავწყვიტეთ", - წერს ყოფილი პრეზიდენტი.

ავტორი: ,

სოციალური ქსელები

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა

Procter & Gamble-მა სანქცირებულ TV იმედთან თანამშრომლობა შეწყვიტა

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს