„რას ვმატებ საზოგადოებას“ - დაუნის სინდრომის მსოფლიო დღე შუახევში

2018-03-21 15:34:21, 937 ნახვა

რეგიონი

„რას ვმატებ საზოგადოებას“ - ამ გზავნილით დაუნის სინდრომის მსოფლიო დღე 2018 წელს მეცამეტედ აღინიშნება, ხოლო საქართველოში მეშვიდედ.

სტატისტიკური მონაცემებით, მსოფლიოში 800 ახალშობილთან ერთი დაუნის სინდრომით იბადება. ამ დაავადების მქონე ბავშვი შესაძლებელია ეყოლოს ნებისმიერ ადამიანს. ის არც მემკვიდრეობითია და არც გადამდები. სინდრომი გოგონებსა და ბიჭებში ერთნაირი სიხშირით ვლინდება.

დაუნის სინდრომის მსოფლიო დღეს მუნიციპალიტეტის მერია სხვადასხვა ღონისძიებებით შეუერთდა. გაიმართა პრეზენტაცია, რაც ემსახურებოდა მოზარდებისთვის დაუნის სინდრომის შესახებ ინფორმაციის მიწოდებას და ცნობიერების ამაღლებას, ნაჩვენები იქნა მერიის ტურიზმის, ძეგლთა დაცვისა და ახალგაზრდობის საქმეთა განყოფილების მიერ მომზადებული ვიდეორგოლი.

ამ დღის მნიშვნელობაზე ისაუბრეს დამსწრე საზოგადოებასთან მუნიციპალიტეტის მერის მოადილე ომარ ტაკიძემ და საკრებულოს თავმჯდომარე გიორგი დავითაძემ.

ღონისძიების დასასრულს ,, მზის ბავშვებს“ თანადგომა მერიისა და საკრებულოს თანამშრომლებმა გამოუცხადეს და ჭრელი წინდების კამპანიას შეურთდნენ.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები