ნატოს გენერალურმა მდივანმა, იანს სტოლტენბერგმა,  რუსეთის დაზვერვის ყოფილი აგენტის, სერგეი სკრიპალის მოწამვლის საქმე, ალიანსის უსაფრთხოების გამოწვევად შეაფასა.

 „ეს არის წესების და ნორმების დარღვევა, რომელიც ყველა ჩვენგანის უსაფრთხოებისთვის მნიშვნელოვანია. ჩვენ მზად ვართ დავიცვათ ჩვენი წევრები ნებისმიერი საფრთხისგან“,- განაცხადა სტოლტენბერგმა.

ამასთან, როგორც მან აღნიშა, ალიანსი მზადაა, ბრიტანეთს სკრიპალის საქმის გამოძიებაში დაეხმაროს.  ამ საკითხთან დაკავშირებით, სტოლტენბერგი 19 მარტს, ბრიტანეთის საგარეო საქმეთა მინისტრ ბორის ჯონსონს შეხვდება.

გარდა ამისა, ნატოს გენმდივნმა განაცხადა, რომ რუსეთთან ახალი „ცივი ომის“ დაწყება არ სურს.

„ჩვენ არ გვინდა ახალი „ცივი ომი“  რუსეთთან და შეჯიბრი შეიარაღებაში“,- აღნიშნა სტოლტენბერგმა.

შეგახსენებთ, რომ ბრიტანეთის პრემიერ-მინისტრმა ტერეზა მეიმ, რუსეთის დაზვერვის ყოფილი ოფიცრის, სერგეი სკრიპალისა და მისი შვილის მოწამვლაში კრემლი დაადანაშაულა და ქვეყნიდან 23 რუსი დიპლომატის გაძევების გადაწყვეტილება მიიღო. ამასთან, პრემიერის თქმით, ბრიტანეთი რუსეთთან უმაღლეს დონეზე ყველანაირ კონტაქტს წყვეტს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია