არასრულწლოვანის პროსტიტუციაში არაძალადობრივი  მეთოდებით ჩაბმა, ან მისი წაქეზება სისხლის სამართლებრივი წესით დასჯადი ქმედება  გახდება.

აღნიშნულს იუსტიციის სამინისტროს მიერ მომზადებული კანონპროექტი ითვალისწინებს, რომელიც მთავრობამ დღევანდელ სხდომაზე დაამტკიცა.

„ჩვენ დღეს მივიღეთ მნიშვნელოვანი რეგულაციები, მისი შედეგიდან  გამომდინარე, რასაც ის პრაქტიკაში მოიტანას. სისხლის სამართლებრივი წესით დასჯადი გახდება არასრულწლოვნის პროსტიტუციაში ჩაბმა, მისი წაქეზება და ამ საქმიანობაში ჩაბმა არაძალადობრივი მეთოდებითაც.

იცით, რომ დღეს სიხლის სამართლის კოდექსი ითვალისწინებს ბავშვის პროსტიტუციაში ჩაბმაზე დასჯადობას, თუ ეს კეთდება ძალადობით, მაგრამ თუ ეს არ კეთდება ძალადობით, მაგალითად თქვენ იცით, რომ მათ შორის ჩვენს დედაქალაქში კლუბებში, ბარებში ხდება არასრულწლოვნების პროსტიტუციაში ჩაბმა ყოველგვარი ძალადობის განხორციელების გარეშე და ეს ქმედება დღემდე  არ იყო რეგულირებული სიხლის სამართლის კოდექსით და პოლიციელი  პროკურორი, რეალურად იყო ბერკეტს მოკლებული. დღეიდანვე უკვე მოვუწოდებ, თითოეულ  მმართველს სხვადასხვა გასართობი დაწესებულებისა,  რომ მიიღონ ეს მხედველობაში,რადგან არასრულწლოვნის, თუნდაც არაძალადობრივი მეთოდით ჩაბმა პროსტიტუციაში იქნება ამიერიდან თავისუფლების აღკვეთით დასჯადი. ეს მისცემს სერიოზულ ბერკეტებს პოლიციას, რომ ებრძოლოს  პროსტიტუციას ყველა თავისი ფორმით და გამოვლინებით, მათ შორის  ე.წ. სუტნიორობის გზითაც“,-განაცხადა იუსტიციის მინისტრმა თეა  წულუკიანმა.

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს