ესპანეთში სამართალდამცველებმა თაღლითობის, ძარცვის და ყაჩაღობის ბრალდებით 4 ადამიანი დააკავეს, მათ შორის საქართველოს ერთი მოქალაქე.

კატალონიის პოლიციის ინფორმაციით, ეჭვმიტანილები ერთი და იგივე სცენარით მოქმედებდნენ. კერძოდ კი, ისინი სახლებში შესაღწევად თავს გაზის კომპანიის თანამშრომლებად ასაღებდნენ.

ბოროტმოქმედების სამიზნე ძირითადად, ასაკოვანი, მარტოხელა და ალცჰეიმერით ან პარკინსონით დაავადებული ადამიანები ხდებოდნენ.

სამართალდამცველების ცნობით, დანაშაულებრივ ჯგუფში ქართველი ქალი სატელეფონო ოპერატორის როლს ასრულებდა. ის დაზარალებულებს გაზის კომპანიის ფსევდო თანამშრომლების მისვლის შესახებ ატყობინებდა.

თაღლითების წინააღმდეგ ოპერაცია გასული წლის ოქტომრიდან მიმდინარეობდა.

პოლიციამ დაადგინა, რომ დაჯგუფებამ სულ 21 კრიმინალური დანაშაული ჩაიდინა. ეჭვმიტანილების სახლის ჩხრეკისას სამართალდამცველებმა ამოიღეს: 240 ევრო, ძვირფასეულობა, ტექნიკა, მათ შორის კომპიუტერები, ტელეფონები და ასევე ცეცხლსასროლი იარაღი.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია