2018-02-23 18:21:29, 1593 ნახვა

---

საგარეო: ლუქსემბურგის გადაწყვეტილება საქართველოდან თავშესაფრის მოთხოვნის მსურველთა ნაკადის შემცირებას ხელს შეუწყობს

საგარეო საქმეთა მინისტრის მოადგილის, ვახტანგ მახარობლიშვილის განცხადებით, ლუქსემბურგის გადაწყვეტილება უსაფრთხო ქვეყნების კატეგორიაში საქართველოს გადაყვანის შესახებ, არის კიდევ ერთი მაგალითი, დასტური და აღიარება იმ გატარებული რეფორმებისა, რომელსაც საქართველო ახორციელებს ადამიანის უფლებათა დაცვის მიმართულებით და კანონის უზენაესობის კუთხით.

„ლუქსემბურგი არის მე-7 ქვეყანა, ევროკავშირი/შენგენის  სივრცეში, რომელმაც საქართველო შეიყვანა უსაფრთხო ქვეყნების სიაში. პირველ რიგში აღვნიშნავდი, რომ ეს არის კიდევ ერთი მაგალითი, დასტური და აღიარება იმ გატარებული რეფორმებისა, რომელსაც საქართველო ახორციელებს ადამიანის უფლებათა დაცვის მიმართულებით, კანონის უზენაესობის კუთხით და ზოგადად იმ რეფორმების აღიარება, რომელიც საქართველოში მიმდინარეობს. რა თქმა უნდა მსგავსი გადაწყვეტილება ხელს შეუწყობს, რომ პრევენცია მოახდინოს და შეამციროს თავშესაფრის მოთხოვნა ლუქსემბურგში. ჩვენ რა თქმა უნდა ვაგრძელებთ მუშაობას სხვა პარტნიორ ქვეყნებთანაც , რომ მსგავსი გადაწყვეტილება სხვებმაც მიიღონ", -განმარტა მინისტრის მოადგილემ.

ლუქსემბურგი ევროკავშირის/შენგენის სივრცეში მეშვიდე სახელმწიფოა, ბელგიის, ნიდერლანდების, საფრანგეთის, ბულგარეთის, ავსტრიისა დაისლანდიის შემდეგ, რომელმაც საქართველო აღიარა უსაფრთხო ქვეყნად.

---

ავტორი: ,

---

დღის თემა

მთავარი თემა

ინტერვიუ - ექსკლუზივი