მამაკაცს, რომელიც თემქაზე სამშენებლო ობიექტიდან გადმოვარდა, დამცავი ღვედი არ ეკეთა

2018-01-19 17:44:04, 2185 ნახვა

სამართალი

ახალგაზრდა მამაკაცს, რომელიც თემქაზე სამშენებლო ობიექტის მესამე სართულიდან გადმოვარდა,დამცავი ღვედი არ ეკეთა და სპეცფეხსაცმელი არ ეცვა.

ობიექტი შრომის ინსპექტორებმა დაათვალიერეს. ისინი სრულყოფილ დასკვნას მოკვლევის დასრულების შემდეგ გააკეთებენ:

„თუ რამდენად ჰქონდა ობიექტს საფრთხეები, რისკები შეფასებული, იდენტიფიცირებული, მხოლოდ მას შემდეგ შეგვიძლია გითხრა, როცა დამსაქმებელი შესაბამის დოკუმენტაციას მოგვაწოდებს“, - განაცხადა შრომის ინსპექტორმა მაია მიქაძემ.

ცნობისთვის, 2013-2016 წლებში სამუშაო ადგილებზე 169 ადამიანი დაიღუპა, 350 კი დაშავდა. არასამთავრობო სექტორი შრომის უსაფრთხოებასთან დაკავშირებით, დაუყოვნებლივი ზომების მიღების აუცილებლობაზე საუბრობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები